Nagising si James at Joy ng wala na si Maria sa paligid nila. Nang nagtatanong na si James kung nasaan si Maria, biglang lumabas sina Anton, Eli at Rhea sa stock room ng laboratory. Sinabi nila na nasa loob siya ng stock room at nagpapahinga dahil may sakit siya.

Dahil sa kalagayan ni Maria, naisipan nina Joy, Eli at Rhea na maghanap ng gamot para mapagaan ang pakiramdam ni Maria.

Sa stock room, tinanong ni James si Anton kung asaan sila bago mangyari ang outbreak na siya namang nagbigay ng idea kay James kung saan nagsimula ang outbreak sa kanilang eskwelahan.

Sa labas ng stock room, tuloy parin sa paghahanap ang tatlo ng gamot. Habang naghahanap, nagtanong si Eli tungkol kay Joy kung saan rin sila nagsimula. Nang nagtagal ang usapan, nalaman nila na nagsakripisyo si Nick para makaligtas sila sa kapahamakan.

Matapos ang paguusap ng tatlo, nakita nila si Nick na isa nang zombie na nasa labas ng laboratory. Dahil sa lakas ng sigaw ni Rhea, napalabas sina James at Anton ng stockroom. Nagulat si Anton sa nakita niya kaya bumalik siya sa stockroom ng umiiyak.

Nang sinundan nila si Anton, nalaman niya na kasama pala nila James si Nick bago siya naging zombie. Napagbuntungan niya ng galit si James pero napigilan rin ito agad ng nagising si Maria at sinabing namatay si Nick ng bayani.